Бектемесов Мақтағали Әбдімәжитұлы

РЕДАКТИРОВАТЬ БИОГРАФИЮ

Әл-Фараби атындағы Қазақ ұлттық университеті механика-математика факультетінің деканы, физика -математика ғылымдарының докторы,  профессор, Қазақстан Республикасы Ұлттық инженерлік академиясының корреспондент- мүшесі (2009ж.),  Халықаралық педагогикалық білім беру академиясының академигі, Ресей, (2012ж.).

М. Бектемесов С.М. Киров атындағы Қазақ мемлекеттіқ университетінің механика және қолданбалы математика факультетін 1985 жылы үздік бітіріп, арнайы жолдамамен Абай атындағы Қазақ педагогикалық институтына тәлімгер-зерттеуші болып қабылданып, 1987 — 1990 жж. КСРО Ғылым академиясы Сібір бөліміндегі (Новосибирск қ.) Математика институтына Абай атындағы ҚазПИ берген мақсаттық жолдамасымен аспирантурасында оқыды.

Одан кейінгі ғылыми-педагогикалық қызметі (1990-2010 жж) Абай атындағы Қазақ ұлттық педагогикалық университетінде өтті. Осы аталған жоғары оқу орнында стажер-зерттеуші, оқытушы, аға оқытушы, доценті, физика-математика факультеті деканының тәрбие жөніндегі, оқу жұмыстары жөніндегі орынбасары, аға ғылыми қызметкер, физика-математика факультетінің деканы, оқу жұмыстары жөніндегі проректоры, PhD докторантура және магистратура институтының жаратылыстану мамандықтары кафедрасының меңгерушісі болып қызмет атқарды.

Әл-Фараби атындағы Қазақ ұлттық университетінде 2010 жылдан бастап механика-математика факультетінің деканы, бірінші проректоры болып қызмет атқарды.

2010 — 2012 жж. ҚР  Білім және ҒМ білім және ғылым саласындағы бақылау комитеті төрағасы орынбасарының және төрағасының м.а. қызметінде істеді.

2012 жылдың  ақпанынан Семей мемлекеттік педагогикалық институт ректоры болып тағайындалды.

2013 жылдын 27-қарашасынан бастап әл-Фараби атындағы Қазақ Ұлттық университетінің экономика және өндіріс мәселелері жөніндегі проректоры, механика-математика факультетінің деканы.

Новосібір мемлекеттік университетінде «01.01.07-есептеу математика» мамандығы бойынша 1993 жылы кандидаттық диссертациясын, 2006 жылы физика-математика ғылымдарының докторы ғылыми дәрежесін алу үшін  «Оптимизационные методы решения некорректных задач» тақырыбында диссертациясын қорғады.

         Ғылыми-әдістемелік, ғылыми зерттеулер саласы – жаратылыстанудың кері және қисынды емес есептері мен білім беруді ақпараттандыру бағытында  бірнеше рет шетелдерде іс сапарларда: Нидерландыда (Роттердам қ., Эразм университетінде), Италияда (Милан қ., Боккони университетінде) Австралияда (Сидней қ., Техникалық университетінде; Канберра қ., Технологиялық университетінде), Түркия, Финляндия, Ұлыбритания университеттерінде болды.

100-ден аса ғылыми және оқу-әдістемелік еңбектері, 6 монография- оқулықтары «Итерационные методы решения обратных и некорректных задач с данными на части границы», «Кері және қисынды емес есептерді шешу әдістері», «Фракталдар. Орнықтылық және жинақтылық» «Методы решения некорректных задач линейной алгебры», «Информационно-образовательное поле в системе непрерывного образования Республики Казахстан» жарық көрді.

Әр жылдары информатика, математика, физика мамандықтары бойынша жалпыға міндетті Мемлекеттік білім беру стандарттарының авторы болды.

 «Inverse Problems. Modeling and Simulation», Fethiye, Turkey (2004-2014 жж.) халықаралық конференциялар жұмысында төрағамен тең дәрежедегі басшы ретінде және ұйымдастырушы комитет мүшесі ретінде үнемі қатысуда. Мемлекеттік бағдарламалар бойынша қолданбалы және іргелі ғылыми жобалардың жетекшісі, «Жаратылыстанудың кері есептері» атты қалалық (Алматы қ.) семинар жетекшісі және «Кері есептер мен ақпараттық технологиялар» (Ханты-Мансийск қ., Ресей) журналының редакция алқасының мүшесі.

 М. Бектемесовтың жетекшілігімен 1 кандидаттық, 3 PhD докторлық диссертация қорғалды. 2009 жылғы ҚР  «ЖОО-ның үздік оқытушысы» гранттың иегері болды.

       ҚР БҒМ Қазақстан  Республикасының ғылым саласын дамытуда сіңірген еңбегі үшін төс белгісі (2009 ж.),

     «Қазақстан Республикасының тәуелсіздігіне 20 жыл» мерекелік медаль (2011 ж.)

Ұжымдағы жоғары білікті  қызметі  үшін университеттің 80 жылдық мерейтойлық медалімен, алғыс хатпен  марапатталған. М. Бектемесов жоғары деңгейдегі білікті және өз ісіне жауапты маман, әріптестерінің арасында үлкен құрмет пен беделге ие.